Tag: French

Metadata Letter of grace of Claude Van Bissij (June 1510) General State Archives, Brabant Chamber of Accounts, 635, f.121r°-123r° Transcribed by Claudia Crivisqui French Original transcription Modern transcription f.121r f.121v-122r f.122v-123r [f.121 r°] Remissie van dootslage Maximilian par la gr[ac]e de dieu Esleu Empereur tousjours auguste Roy de G[er]manie de hongrie de dalmatie de Croatie e[t]c. Et charles par la mesme gr[ac]e Archiducz D austr[iche] prince d espaingnes des deux cecilles de Jher[usa]l[e]m e[t]c. Ducs de bourg[ogn]e de loth[ie]r de brab[ant] de stier de karente de carniole de lemb[ourg] de luxemb[ourg] et de gheldres. Contes de flandres de habsb[ourg] de tyrol de fierrette de kieburch d artois de bourg[ogn]e Palatins de hayn[a]u de holl[ande] de zell[ande] de namur et de zuytphen marcquis du saint empire et de burgauw [f.121 v°] Lantgreves d elsace. Seign[eu]rs de frise des marches d esclavonie de portenauw de salins et de malines. Savoir faisons a tous p[rese]ns et advenir Nous avoir receu l umble supplication de Claude s[eigneur] de bissy et benedictus le sauvaige son servite[u]r [con]ten[ant]. Co[m]ment le xvije jour du mois de juing lesd[its] suppl[iants] le s[eigneur] de fallaix Jaques de licques, loys de Renel et leurs complices en n[ot]re ville de brutxelles p[ar]tirent du soir e[n]viron xj ou xij heures de l ostel dud[it] fallaix en intention de aller passer temps en la maison d une fem[m]e publiq[ue] q[ue] l en dit la grande hollandoize lez les estuves du pollepelle et venans devant lad[ite] maison hurterent a la porte dicelle et requirent y entrer. A quoy lad[ite] hollandoize respondi qu ilz n y entreroient et lesd[its] remonstr[ants] dirent q[ue] dont ro[m]peroient ilz lad[ite] porte et po[ur] ce f[air]e l approcherent mais ilz oyrent bruyt daucuns compaignons estant ou baz de lad[ite] maison q[ui] monterent en hault lesquelz tost apres on aucun d eulx jetterent pierres aprez iceulx remonstr[ants] et feirent leur effort de les touchier et bleschier. A l occ[asi]on de quoy ung no[m]me Tristram serviteur dud[it] s[eigneu]r de fallaix s avanca donner ung cop de pit contre lad[it]e porte sans la rompre et lors led[it] s[eigneu]r de faillaix recouvra contre lad[it]e porte q[ui] estoit coppee p[ar] le mylieu et l entreouvrit de sorte q[u] ung ho[m]me en se mectans sur ses mains y povoit entrer. S y s ava[n]ca led[it] Loys de renel et y entra et y trouva ung des [com]paignons de dedens jay descendu po[ur] deffendre lad[it]e porte Lequel po[ur] ce f[air]e rua ung coup aprez led[it] Renel lequel il failly et lors led[it] Renel pour sa seurete de sa p[er]son[n]e rua apres l autre et le toucha mais il ne scet en quel lieu et lors l escrya led[it] compaignon disant mons[eigneu]r l escuier p[ar]donnez moy, mais en ce disant il empoigna led[it] Renel p[ar] le coullet, q[ue] lors led[it] Renel po[ur] sa seurete co[m]me dess[us] l embracha et le jetta sur ung bancq le compaignon se releva et de rechief sal sailly ou col dud[it] Renel et lors led[it] Renel [f.122 r°] pour s en deffe[ndre] luy donna aincoires ung coup de dage sans bo[n]nem[en]t aussy savoir en quel lieu. Ce compaignon lors q[ue]rant s enschaper sailly de la maison et le rencontra le s[eigneu]r de lisques lequel aiant oy le debat de Renel et ne savoit co[m]me il luy estoit, donna a ce compaignon un coup de rapierre. Renel meu de chaleur monta en hault pour savoir q[ui] estoient les aultres q[ui] leur avoie[n]t jette de pierres et trouva ung aultre compaignon avec trois fe[m]mes co[m]munes auquel led[it] Renel se p[ar]forca donner de sa daghe a quoy il failly au moyen de ce q[ue] le compaignon se jetta le val de la montee et le rencontra le s[eigneu]r de licques quy rua apres luy ne scet s il le toucha et puis le trouva le s[eigneu]r de fallaix, lequel luy rua deux coupz de taille de sa dage et ung coup d estocq sans savoir a la verite s il le blescha ne quel endroit, et ainsy q[ue] led[it]claude de byssy suppl[iant] pensoit entrer en lad[it]e maison, le p[re]mier compaignon q[ui] avoit este blesche le hurta si rudeme[n]t quil se desmarcha deux ou trois pas, et q[ue] led[it] compaignon mesmes en tumba et ne luy feist led[it] bissy riens mais entra lad[ite] maison et venant aux degrez po[ur] suyr les dess[us] no[m]mez trouva le second desd[its] compaignons q[ui] le requist le laisser passer, ce q[u i]l feist puis rencontra ce [com]paignon led[it] benedictus le sauvaige serviteur dud[it] bissy suppl[iant] lequel sembl[abl]em[en]t le laissa passer et tost apres entendirent le s[eigneu]r remonstr[ant] q[ue] l ung de ce compaignons bleschiez nom[m]e je[an]nin de mol filz de l oste du poncelet dud[it] bruxellles t[er]mina de vie p[ar] mort dont led[it] remonstr[ant] et son s[er]viteur ont este et sont amerem[en]t desplaisans. Et doubtans rigeur de justice se sont absentez de n[ot]re d[ite] ville de bruxelles et pays de brab[ant] ou ilz n ozeroient retourner. Ains conviendroit aud[it] s[eigneu]r de bissu laisser ses parens et amis et aussy a son grant regret n[ot]re s[er]vice co[m]me il dist   [f.122 v°] se no[tr]e gr[ac]e ne luy est sur ce imp[ar]tie et au d[it] benedictus son serviteur, dont attendu ce q[ue] dist est et q[ue] p[ar] infortunne et non de propoz delibere led[it] meschief est advenu et q[ue] en autres choses jusques a ores les susd[its] suppl[iants] sont bien re[n]nomez et n ont ont co[m]mis cas deshonneste. Ils nous ont tres humblem[en]t supplié et requis. Pour ce est il q[ue] nous ces choses [con]sideres ausd[its] Claude s[eigneu]r de bissy et benedecitus sauvaige son serviteur suppl[iant] inclinans a leurd[it]e requeste. Avons ou cas dessusd[it] quite remis et p[ar]donne, quittons remettons et [par]do[n]nons de gr[ac]e esp[eci]al p[ar] ces p[resen]tes le cas et homicide dess[us] declaire ensemble toute peyne amende et offence corporele c[ri]minele et civile en quoy p[ou]r raison et a l occasion dicelluy cas ilz pevent avoir offence et estre encourrus e[n]vers nous et justice et les avons quant a ce remiez et restituez, remettons et restituons a leurs bonne fame et renom[m]ee …

Read more “Claude Van Bissij (1510)”

Metadata Letter of grace of Philibert de Montenac (April 1508) General State Archives, Brabant Chamber of Accounts, 635, f.124r°-126r° (scans 78-80) Transcribed by Claudia Crivisqui French Original transcription Modern transcription f.124r f.124v-125r f.125v-126r [f.124 r°] Maximilien par la grâce de dieu, élu empereur, toujours auguste roi de Germanie, de Hongrie, de Dalmatie, de Croatie etc. Et Charles par la même grâce, archiduc d’Autriche, prince d’Espagne, des deux Siciles , de Jérusalem, etc. Ducs de Bourgogne, de Lotharingie, de Brabant, de Stier, de Carinte, de Carniole, de Limbourg, de Luxembourg et de Gheldres. Contes de Flandres, de Habsbourg, de Tyrol, d’Artois, de Bourgogne palatine et de Hainaut. Lantgrave d’Alsace, Prince de Souabe, Marcquis de Burgauw et du Saint Empire de Hollande, de Zeelande, de Ferrette, de Fribourg, de Namur et de Zuytphen. Contes, seigneurs de frise, des Marches, de Sclanomme, de Portenauw, de Salins et de Malines. Savoir faisons à tous présents et avenir que nous avons reçu l’humble supplication de Philebert de Montenac, écuyer, racontant qu’aux environs de la dernière mi-carême, il est arrivé dans notre ville d’Anvers avec et au service du seigeur de Ravestain, notre cousin, son maître. Un certain jour, alors que le suppliant rentrait d’ouïr la messe et qu’il était venu jusque devant le logis de son seigeur maître, il s’arrêta à parler et deviser avec certains des officiers et autres serviteurs de ce dernier. Durant la discussion, survint là, un nommé Lancelot natif du pays de Normandie ou demiron, ayant précédemment été valet et serviteur dudit suppliant. Il était alors serviteur du seigeur de Croix chevalier. Etant monté sur la mule dudit seigneur de Croix, Lancelot vint aussi s’arrêter et parler aux officiers. Ce que voyant, le suppliant s’émut subitement, [f.124 v°] à cause de certaines choses passées. Il s’adressa audit Lancelot et lui demanda pourquoi il avait dérobé l’épée du maréchal d’Enghien. A quoi, ledit Lancelot répondit que le maréchal lui devait quatre sols et dit en plus ces mots : « vous avez dit que je vous ai dérobé » ledit suppliant répondit : « oui vraiment, vous avez dérobé ». Sur quoi, ledit Lancelot redit incontinent audit suppliant : « vous avez menti ou selon certains, vous ne dites point vrai ». A laquelle parole, ledit suppliant tira son épée et en frappa du plat sur Lancelot, lequel sortit aussitôt son épée qu’il avait ceinte à la ceinture. Suite à quoi, ledit suppliant plus échauffé qu’auparavant, alors que Lancelot avait le dos tourné, lui bailla son épée au travers du corps tellement fort que le coup le fendit*. Le jour suivant, il termina sa vie par la mort. Suite à cela, ledit suppliant redoutant la rigueur de la justice s’est absenté de nos pays dans lesquels il n’ose retourner. Il souhaiterait ne pas demeurer absent pour toujours et user le restant de ses jours en marchés et contrées étrangers, si notre grâce et miséricorde ne lui était donnée. Pour laquelle attendu son jeune âge, les services faits par ses prédecesseurs à nous et aux nôtres, dont il a entièrement le désir nous faire aussi sa part en temps advenir, et de se garder à jamais de recheoir plus en aucun acte vicieux, il nous a très humblement fait supplier [f.125 r°] C’est pourquoi, les choses susdites considerées mêmement à l’honneur et réverence de la douloureuse mort et passion que le fils de dieu notre bénit rédempteur, Jésus Christ, souffrit à tel jour qu’il est mort pour la redemption de l’humain lignage. A Philebert de Montenac suppliant, inclinant à sadite supplication et veillant pour cette fois à ce que grâce et miséricorde soient préférées à rigueur de justice, par l’avis de notre très chère et très aimée fille de nous empereur, dame et tante de nous Charles, dame Marguerite d’Autriche et de Bourgogne régente et gouvernante en l’absence de nous empereur, avons quitté, remis et pardonné et de notre certaine science et grâce spéciale par ces présentes, quittons, remettons et pardonnons, le fait et cas d’homicide ci-devant mentionné ensemble, toute peine, amende et offence corporelle et criminelle. En quoi pour cause et occasion de ce dernier, ces criconstances et dépendances, Il peut avoir mespris et estre encouru envers nous et justice. Et l’avons quant à lui, remis et restitué, remettons et restituons en ses bonnes réputation et renommée ses terres et ses biens non consignés comme avant les évènements advenus, en imposant sur ce silence perpétuel à notre procureur général et à tous nos autres officiers quelconques. Satisfaction toutefois faite en partie si déjà faite seuleument civilement et pourvu que ledit suppliant nous paye une amende civile. A l’arbitrage et taxation de [f.125 v°] noz amez et feaulx, les chanceliers et gens de notre conseil en brabant. Le suppliant, avant le terme d’un an entier, à compter de la date de la présente, ne pourra entrer, venir ni se trouver en notre pays et duché de Brabant, ni en aucun lieu de nos autres pays, là où nous ou notre dite fille et tante seron en personne, à peine d’être privé du fruit et bénéfice de notre dite grâce. Se nest de notre expres congie et licence, Si nous donnons en mandement aususdits chancelier et gens de notre conseil en brabant, qu’au terme de l’an expiré et endéans les trois premiers mois suivants, appellez ceux qui pour ce feront à appeler. Ils procèdent bien et deveinent a l’enterinement de ces présentes. Et ce fait et ladite amende civile par eulx taxée arbitrée et payée, dans les mains de cellui de nos officiers concerné, lequel sera tenu den faire recettes dépenses à notre profit. Notre sénéchal de Brabant, margrave d’Anvers et tous nos autres justiciers et officiers quelconques, leurs lieutenants et chacun d’eux endroit soy et sico[m]me a lui appartiendra, fassent seuffrent et laissent ledit suppliant]de notre présente grâce, rémission, quitance et pardon selon et par la mame que dit est plainement paysiblement et perpetuellement jouir et user. Sans le faire mettre ou donner, ni souffrir, être fait mis ou donné, maintenant ni …

Read more “Philibert de Montenac (April 1508)”

Metadata Letter of grace of Conrard de Blanier (1504) General State Archives, Brabant Chamber of Accounts, 634, f.23r°-23v° (scans 225-226) Transcribed by Claude Verset French Original transcription Modern transcription f.23r f.23v [f.23ro] Remission d ho[m]micide Phi[lipp]e par la gr[ac]e de dieu Roy de castille de leon de grenade etc Archiduc d austr[iche] prince d arragon etc duc de bourgoingne de loth[ie]r de bra[ban]t de stier de karente de crayn de lembourg de luxe[m]bourg et de geldres conte de flandres de habsburg de kyeburg d artois de bourgoingne palatin de haynn[aut] de hollande de zeelan[de] de nam[ur ] et de zuytphen marquis du saint empire et de borgauw lantgrave en elsaten seign[eu]r de frise sur le windischema [rc]q de portenauw de salins et de malines savoir faisons a tous p[resent]s et advenir nous avoir receu lumble supplicac[i]on de conrard de blanier josne ho[m]me bourgois de la cite de liege conten[ant] co[m]ment p[ar] cidevant e[n]viron a neuf ou dix ans il, a l instigat[i]on et e[n]nord d ung henry van Roze son beau f[re]re estant en sa subject[i]on s est avec icelluy et aultres co[m]paignons trouve en n[ot]red[it] pays de brab[ant] ou ilz ont prins ung no[m]me phelippe penelle marchant de Gennes lequel p[re]s[en]t ph[elipp]e fut par led[it] henry et ses co[m]plices a[m]mene et ranchonne a c[er ]taine somme de deniers dont led[it] suppl[iant] eut sa part or est il q[ue] apres lad[ite] prinse led[it] conrard suppl[iant] soy voyant desceu de sond[it] beau fre[re] et avoir co[m]mis tel cas luy qui estoit josne p[ar] moyen de son pere et aultres ses parens et amis trouva fachon d appointer avecq led[it] phelippe, tellement qu il restitua enchierem[en]t sad[ite] part co[m]me par quictan[ce] souffissan[te] peut apparoir. Et aussi d obtenir remission de reverend pere en dieu n[ot]re tres chier et feal cousin l evesque de liege son prince, et s est depuis tousiours tenu en sa maison avecq sa femme aud[it] pays de liege faisant sa marchandise et a este de la loy co[m]me il est encoires neantmoins [f.24vo] doubtant righeur de justice il se n oseroit trouver en n[ot]red[it] pays de brab[ant] a son grand regret. Se n est que n[ot]re grace ne luy soit sur ce impartie si co[m]me il dit en nous suppliant pour ce que dud[it] cas luy vueillons faire pardon et remission et sur ce luy f[air]e expedier noz l[ett]res paten[tes] et pertinen[tes] pour ce est il q[ue] nous ces choses co[n]siderees voulans a dez grace et misericorde p[re]ferer a righeur de justice audit conrard suppliant inclinans a sad[ite] supplica[t]ion et requeste. Avons de notre c[er]taine scien[ce] et de gr[ac]e espe[ci]al quicte remis et pardo[n]ne et par ces p[rese]ntes quictons et p[ar]donnons le fait et cas dessusd[its] enssamble toute paine et amende corporele c[ri]minele et civile. En quoy pour cause et occasion du fait et cas avantdit il a ou peut avoir mesprins et estre e[n]courru e[n]vers nous et justice. Et l avons quant a ce restitue et restituons a ses bonne fame et reno[m]mee au pays et a ses biens non co[n]fisquez saucuns en y a. En imposant sur ce scilence a n[ot]re procu[reu]r et a tous noz aultres justiciers et officiers quelzquoncques cui ce regarde satisfaction toutesfois f[ai]te a partie se faicte n est et elle y eschiet p[re]alablement et avant tout oeuvre. Sy donnons en mandement a noz amez et feaulx les chancell[ie]r et gens de n[ot]re conseil ordo[n]nez en n[ot]red[it] pays de brab[ant], que appellez ceulx q[ue] pour ce seront a appeller i lz procedent et facent proceder deuem[en]t et diliga[m]ment a l interinement et verificat[i]on de ces mesmes p[rese]ntes. Et ce fait mandons en oultre a iceulx noz chancell[ie]r et gens de conseil a noz seneschal de brab[ant] maire de louvain Amman de Bruxelles Eschouth ettes d anvers et de boisleduc et a tous noz aultres justiciers et officiers p[rese]ns et avenir quelzconcques de n[ot]r[e]d[it] pays de brab[ant] et a iceulx des bassains seigneurs noz vassaulx d icelluy pays leurs lieuten[ants] et a ch[ac]un d eulx en droit soy et sy co[m]me a luy appartiendra que de ceste p[rese]nte gr[ac]e remission quictante et pardon selon et par la maniere q[ue] dit est ilz facent seuffrent et laissent led[it] suppl[iant] joyr et user plainem[en]t paisiblement et p[er]petuellement sans luy faire donner ne souffrir estre fait aucun arrest destourbier ou e[m]peschem[en]t au co[n]traire mais ainchois se son corps ou aucuns de sesd[its] biens non confisquez estoient pour ce prins saisiz arrestez ou e[m]peschiez les mectent ou facent mectre tantost et sans delay a plaine delivran[ce] car ainsi nous plaist il. Et affin que ce soit ferme et estable a tousiours nous avons fait mectre n[ot]re seel dont avons use jusques a orez a ces p[rese]ntes sauf en aultres choses n[ot]re droit et l autruy en toutes. Donne a treves le vendredy saint l an de gr[ac]e mil cincq cens et quatre. Et de n[ot]re regne le p[re]m[ie]r Ainsi soubz escript sur le rep loy par le Roy Et signe de thielt et encoires visa. Coll[ati]onne a l original par moy. $$$ N/A f.23r f.23v [f.23ro] Remission d ho[m]micide Phi[lipp]e par la gr[ac]e de dieu Roy de castille de leon de grenade etc Archiduc d austr[iche] prince d arragon etc duc de bourgoingne de loth[ie]r de bra[ban]t de stier de karente de crayn de lembourg de luxe[m]bourg et de geldres conte de flandres de habsburg de kyeburg d artois de bourgoingne palatin de haynn[aut] de hollande de zeelan[de] de nam[ur ] et de zuytphen marquis du saint empire et de borgauw lantgrave en elsaten seign[eu]r de frise sur le windischema [rc]q de portenauw de salins et de malines savoir faisons a tous p[resent]s et advenir nous avoir receu lumble supplicac[i]on de conrard de blanier josne ho[m]me bourgois de la cite de liege conten[ant] co[m]ment p[ar] cidevant e[n]viron a neuf ou dix ans il, a l instigat[i]on et e[n]nord d ung henry van Roze son beau f[re]re estant en sa subject[i]on s est avec icelluy et aultres co[m]paignons trouve en n[ot]red[it] pays de brab[ant] ou ilz ont …

Read more “Conrard de Blanier (1504)”

Metadata Letter of grace of Jehan de Ranst (January 1505) General State Archives, Brabant Chamber of Accounts, 634, f.122r°-122v° (scans 205-206) Transcribed by Ghislaine Vanderick French Original transcription Modern transcription f.205r f.206v [f.122 r°] Phelippe par la grace de dieu roy de Castille de leon de grenade etc. archiduc daustrice prince darragon etc. duc de bourgoingne de loth[ie]r de brabant de stier de carinte de carniole de lembourg de luxembourg et de geldres conte de habsburg de flandres de tyrol dartois de bourgoingne palatin et de haynnau lantgrave delzate marquis de bourgauw et du saint empire de hollande de zeellande de ferrette de kibourg de namur et de zutphen conte seigneur de frize sur la marche de sclavonie de portenauw de salms et de malines. Savoir faisons à tous pr[ese]nts et avenir nous avoir receu lumble supplication de Jehan de Ranst contenant comment puis nagaires lui estant venu en une maison assize en ceste n[ot]re ville de bruxelles en la rue vulgairement appellee blydenberghe et seant a table pour y boire ung pot de servoise est survenu daventure ung nomme pierquin serviteur du filz de Jehan de bregilles et incontinent apres la maistresse de lad[i]te maison en amenant une gouge au nom dudit suppliant icellui pierquin dist ala gouge quelle sen venist avec lui boire en la chambre dedens lad[ite] maison en mettant la main a icelle pour ce quelle luy refusoit et la vouloit tirer par force en lad[i]cte chambre quoy voyant ledit suplliant et que led[it] pierquin ne sen vouloit depporter mais chersoit noise et debat, tira son espee et donna audit pierquin une petite playe au tour de son col, en laquelle peril ne dangier quelconque ne gisoit et ce aucun furent incontinent separez lung de lautre et appaisez, entant que ledit suppl[iant] dist audit pierquin, q[ui]l ne demandoit aucune noise et ne luy vouloit sinon tout bien mais point ne vouloit que lad[ite] gouge allast avec luy boire en la chambre neanmoins ledit pierquin soy sentant ung peu blesse que comme riens estoit retira son espee tout souvit cuydant percher ledit suppl[iant] lequel se conduisoit tellement quil ne fust sinon blesse en son coste et se entrepoingnerent tellement que tous deux sont cheuz ensamble embrachez sur ung degrez, ledit pierquin desoubz et ledit suppl[iant] deseure et ne fut en cest appoingnement lute ou trouble aucun deulx blessez or est advenu que ung soy disant filz du Roy de frez fort acoustume de hanter la compaingnie et estant de la partie dudit pierquin y est survenu et voyant ces deux ainsi en trouble tira son espee et en donna une playe mortoire en la teste dudit pierquin quoy fait incontinent sen alla et voyant ledit suppl[iant] que ledit pierquin estoit tellem[ent] blesche et de ce fort esmerveillant non sacha[n]t a quy il avoit a faire se leva tant pour luy deffendre contre cellui qui ledit cop avoit donne com[m]e pour laisser ledit pierquin auquel autre mal navoit fait sinon en la manière d[i]te et jasoit que par ainsi appert que en verite ledit suppl[iant] ne soit cheu en lom[m]icide dudit pierquin et que dicellui il est totallement innocent toutesvoyes pour ce que ledit pierquin est alle de vie a trespas icellui suppl[iant] doulte quon le vouldroit charger dud[it ] en hom[m]icide et que noz officiers vouldroient proceder contre lui et ses biens a son grand regret et desplaisir et plus [f.122 v°] seroit se n[ot]re grace ne lui estoit surce impartie si comme il dit humblement le requerant. Pour ce est il que nous ces choses considerees et sur icelles eu ladvis de noz aimez et feaulx les chancell[ie]r et gens de n[ot]re conseil en brab[ant] audit Jehan de Ranst suppliant inclinans a sa d[i]cte requeste et lui vueillans en ceste partie preferer grace et misericorde a righeur de justice avons oudit cas quicte remis et pardonne, quictons remettons et pardonnons de n[ot]re certaine science et grace esp[eci]al par ces pr[ese]ntes le fait et cas dessus declare ensemble toute paine amende et offense corporelle et criminelle en quoy pour cause et occasion dicellui ses circo[n]stances et deppendences il a et peult avoir mesprins offence et estre encourru envers nous et justice En le restituant quant ace a ses bonne fame et renommee a nos pays et s[eigneu]ries et a ses biens non confisquiez saucuns en a tout ains et par la maniere q[ui]l estoit auparavant ledit cas advenu imposant sur ce silence p[er]petuel a n[ot]re procureur g[e]n[er]al et autres noz officiers q[ue]lzconques satisffaction toutesvoyes faicte a partie premierement et avant tout euvre se faicte nest civillement tant seullement et parmi ce que icellui suppliant amendera ledit cas envers nous civillement selon lexigence dicellui et la faculte de ses biens alarbitraige et tauxacion de nos[tres] chancell[ie]r et gens de n[ot]re conseil audit brabant que commectons a ce. Si donnons en mandement a iceulx noz chancell[ie]r et gens de n[ost]red[it] conseil en brabant que appelle ceulx qui pour ce seront a appeler ils procedent bien et deuement ala verifficacion et interinement de cesd[ites] pre[sen]tes et alarbitraige et taxacion de ladite amende civile et ce fait et icelle amende taxee arbitree et payee es mains de cellui de noz officiers quil appertiendra lequel s[er]a tenu den rendre compte et reliqua a n[o]tre prouffit ilz et tous autres noz justiciers et officiers cui se regardera ou leurs lieutenans et ch[ac]un] deulx en droit soy et sico[m]me a luy appertiendra facent seuffrent et laissent ledit suppl[iant] de n[ot]re p[rese]nte grace remission pardon et quitance ensamble de tout le contenu en ces[dites] p[rese]ntes selon et par la maniere d[i]cte plainnement paisiblement et perpetuelment joyr er user sans au contraire luy faire mettre ou donner ne souffrir estre fait mis ou donne orres ne en temps avenir aucun arrest destourbier ou empeschement en corps ne en biens en aucune manière ainchois se ses[dites] corps ou biens sont ou estoient po[ur] la cause d[i]cte prins saisiz ou arrestez detenuz ou empeschiez. Les mettent ou facent mettre incontinent et sans delay a plaine et entiere …

Read more “Jehan de Ranst (January 1505)”