Métadonnées
Lettre de grâce de Gielis vanden Vivere (novembre 1501)
Archives générales du Royaume, Conseil de Brabant, 634, f.75r-77v
Transcrit par Guido Demuynck
Néerlandais
f.75r
f.75v-f.76r
f.76v-f.77r
[f.75r°]
Remissie van dootslage voere gielis vanden vivere
Philips byder gracien goids Ertshertoge van Oistryck hertoge van bourgoingnien van lotharingen van Brabant van stier van karenten van Crain van limborch van luxemborch ende van gelre Grave van vlaenderen van habspurg van thirol van artois firette van kieburgh van artois van bourgoingnen palsgrave ende palatyn van henegauwe ^ lantgrave van elzaten marcgreve van burgau ende des heylichs rycs van hollant van zeelant van namen ende van zutphen mercgreve des heylichs roemschen rycs ende fiert van kyeborch van namen ende van zutphen grave heere van van burgau lantgrave in elsaten van upter windischenmarq vrieslant upter windischenmarg van Portenauw van salins ende van mechelen Doen te wetene allen luyden jegewoirdich ende toecomende dat wy ontfangen hebben die oitmoedige supplicatie van gillis vanden vyvere goessins zoone ledertauwer poirter ende inwonende van onser stede van ghend inhoudende hoe inde vrye antweerpssche maerct naer sincxen lestleden die voirs. suppliant aldair gecommen zynde met vele andere inwonende van onser voirs. stede van ghend ende onder dandere met drion vander varent pieter de pottere lodewyc sapont arnt sanders Jacop de pottere wylen Joos vanden gavere pieter braem ende willem donderdaige zu ghingen alle te samen logieren in huere gewoenlycke herberge ende bleven dien avont etende met hueren weert ende tsamen aldus gheten hebbende siende dat noch gheenen tyt en was
[f.75v°] slapen te gaen ghingen alle oft een deel van hein uuyt huer voirs. herberge in meeningen te gaen bancketteren alsoe zy deden in welcken banckette tgelach gerekent synde de voirs. wylen Joos vanden gavere seyde totten voirs. suppliant betaelt myn gelach wair op de selve suppliant antwoirdde ben ic u yet schuldich ic sal u wel betalen ende dair mede stont up ende betrack naer zyn herberge dair hy ghinck slapen met anderen zyne medegesellen ende de voirs. wylen Joos bleef een wyle tyts achter ende corts daernaer quaem oick ter herbergen weert ende comende ande camere dair de voirs. suppliant ende andere te bedde lagen cloppende ande duere vander selver camere, inde welcke de weert ziende dat de voirs. Joos niet gecommen en was een bernende keersse gelaten hadde ende soe geringhe als de voirs. wylen Joos inde voirs. camere gecommen was ghinck totten bedde vanden voirs. suppliant hem heetende cock boeve ende hem ghevende vele andere quade scandelicke ende onverdragelick woirden hem oic verwytende dat hy alsoe arm gewordden was als hy waer up den voirs. suppliant antwoirdde totten voirs. Joos dat zwygen ende slapen comen soude of hy soude hem de kele afsteken ende int selve gekyf soe ghinck de keerse uuyte de voirs. wylen Joos persevererende altyts in zyn quaet spreken soe dat hem de voirs. suppliant noch eens seyde compt slapen dair ghy de nacht voerleden geslapen hebt waer up de selve wylen Joos noch nyet te vreden zynde seyde dat hy by hem nyet slapen en wilde heetende den suppliant dief ende anderssins dit hoorende byden voirs.
[f.76r°] suppliant ende ziende dat hy des voirs. wylen Joes
nyet quyte en conste gewordden stont up van synen bedde in zyn hemde ende nam een cortte dagge die hy by hem geleet hadde ende gaf dair mede den voirs. wylen Joos een steke up een van zyne scouderen van welcker steke hy omtrent drie daigen daernaer te ghend gevoert zynde quaem van levende lyve ter doot ende hoewel die voirn. suppliant de vrienden ende magen vanden dooden gezoent ende te vreden gestelt heeft vanden voirs. dootslage geschiet als voirs. es nyetmin duchtende rigeur ende strancheyt van justicien hy en soude hem nyet durren houden keeren commen noch converseren bynnen onse landen ende heerlicheyden maer sal dair uuyt moeten bliven ende leven in
anderen vreymden landen in groiter aermoeden ende ketimcheyde in dien onse gracie ende genade hem hier up nyet gedeelt ende verleent en wordde Alsoe hy seeght Ons zeere oitmoedelic dair om biddende Soe eest dat wy die saken voirscreven overgemerct willende den voirn. gillis suppliant gracie ende ontfermherticheyt hier
inne voirderen ende prefereren voer rigeur ende strangheyt van justicien wy hebben den selven suppliant genegen wesende tot zyn voirs. bede ende supplicatie inden gevalle als boven vergheven geremitteert ende quytgescholden vergheven
[f.76v°] remitteren en schelden quyte uuyt onse zunderlinge gracie by desen onsen brieve tfayt ende dootslach boven verclaert mitgaders alle peynen ende bruken corporelle ende criminelle dair inne hy ter cause van dien mit datter aencleven mach mesbruyct ende gevallen mach wesen jegen ons ende justicie ende hebben hem als te desen gerestitueert ende wedergestelt restitueren ende wederstellen tot zyn goede name fame ende geruchte in onse landen ende heerlicheyden ende tot alle zyne onverbuerde goeden in dien hy er eenighe heeft in alder voegen ende manieren als hy was voer de toecomste vanden voirs. dootslage imposerende hier op scilende ende eewich zwygen onsen procureur generael ende allen anderen onsen richteren ende officieren wie zy zyn satisfactie ende beteringe alder werck eerst gedaen der partie geinteresseert in dient noch nyet gedaen en es ende eenige dair toe dient civillyck alleenlick Behouden oic dat hyt jegens ons civilick beteren sal nae gelegentheyt vander mesdaet ende de weerde van zynen goede ter taxacie ende arbiterscepe van onsen lieven ende getrauwen die cancellier ende luyden van onsen raide
[f.77r°] in Brabant die wy dair toe commiteren ontbieden
dair om ende bevelen den selven onsen cancellier ende luyden van onsen raide in Brabant dat by hen geroepen die ghene die dair over behoeren geroepen te zyne zy procederen wel ende dueghdelic ter verifficatie ende interinemente van desen onsen
jegewoirdigen brieve naer huere voirme ende inhouden ende dat gedaen zynde ende de voirs. civile beteringe getaxeert ende betaelt in handen vanden ghenen van onse rentmeesters diet behoeren sal die gehouden wert rekening bewys ende reliqua dair af te doen tot onsen proffyte metten anderen penningen van zynen ontfange zy onse
marcgreve scout amman ende dieneren onser voirs. stad van antwerpen ende alle andere onse rechteren officieren ende ondersaten dien dit aengaen sal mogen ende yegelyck van hen bysondere soe hem toebehoeren sal doen laten ende gedoegen den voirs. suppliant van dese onse gracie remissie ende quytscheldinge ende van al den inhouden van desen inder manieren boven verclaert rustelic ende vredelic ende tot eeuwigen daigen genyeten ende gebruycken sonder hem te doene oft te laten
[f.77v°] il ne peut y avoir aucune autre blessure ou difficulté
ter contrarien maintenant encore un temps futur et vivre encore un bon sens unique
en sa personne ou dans l'un de ses comptes. les bons en bon état comme on le voit. S'ils sont emprisonnés parce qu'ils ont été arrêtés, ils craignent de les avoir mis ou fait en sorte qu'ils soient mis immédiatement et sans aucun départ ni délai pour une délivrance complète et complète parce qu'ils veulent que nous aimions et fassions de même et à la fin qu'il restera fixe et stable pour toujours.Aujourd'hui, nous avons accroché ici notre sceau, respectant les autres pour notre droit et chacun son droit en tout, donné dans notre ville de Malines au mois de novembre de l'année de notre seigneurs, deux mille cinq cent un C'est ainsi qu'il a été écrit dans ma propre lettre Par monseigneur l'archiduc monseigneur le Grave van nassou stathouder général fin autre tegewoirdich et le teykent haneton Collated et les matines concordantes trouvées originales
Par ma Stratis
N / A