Metadata
Letter of grace of Claude Van Bissij (June 1510)
General State Archives, Brabant Chamber of Accounts, 635, f.121r°-123r°
Transcribed by Claudia Crivisqui
French
f.121r
f.121v-122r
f.122v-123r
[f.121 r°] Remissie van dootslage
Maximilian par la gr[ac]e de dieu Esleu Empereur
tousjours auguste Roy de G[er]manie de hongrie de dalmatie de
Croatie e[t]c. Et charles par la mesme gr[ac]e Archiducz
D austr[iche] prince d espaingnes des deux cecilles de Jher[usa]l[e]m e[t]c.
Ducs de bourg[ogn]e de loth[ie]r de brab[ant] de stier de karente de
carniole de lemb[ourg] de luxemb[ourg] et de gheldres. Contes de
flandres de habsb[ourg] de tyrol de fierrette de kieburch d artois
de bourg[ogn]e Palatins de hayn[a]u de holl[ande] de zell[ande] de namur
et de zuytphen marcquis du saint empire et de burgauw
[f.121 v°] Lantgreves d elsace. Seign[eu]rs de frise des marches d esclavonie
de portenauw de salins et de malines. Savoir faisons
a tous p[rese]ns et advenir Nous avoir receu l umble supplication
de Claude s[eigneur] de bissy et benedictus le sauvaige son servite[u]r
[con]ten[ant]. Co[m]ment le xvije jour du mois de juing lesd[its] suppl[iants]
le s[eigneur] de fallaix Jaques de licques, loys de Renel et leurs
complices en n[ot]re ville de brutxelles p[ar]tirent du soir e[n]viron
xj ou xij heures de l ostel dud[it] fallaix en intention de
aller passer temps en la maison d une fem[m]e publiq[ue] q[ue] l en dit
la grande hollandoize lez les estuves du pollepelle et
venans devant lad[ite] maison hurterent a la porte dicelle
et requirent y entrer. A quoy lad[ite] hollandoize respondi
qu ilz n y entreroient et lesd[its] remonstr[ants] dirent q[ue] dont
ro[m]peroient ilz lad[ite] porte et po[ur] ce f[air]e l approcherent
mais ilz oyrent bruyt daucuns compaignons estant ou
baz de lad[ite] maison q[ui] monterent en hault lesquelz tost
apres on aucun d eulx jetterent pierres aprez iceulx
remonstr[ants] et feirent leur effort de les touchier et
bleschier. A l occ[asi]on de quoy ung no[m]me Tristram
serviteur dud[it] s[eigneu]r de fallaix s avanca donner ung cop
de pit contre lad[it]e porte sans la rompre et lors led[it] s[eigneu]r
de faillaix recouvra contre lad[it]e porte q[ui] estoit coppee
p[ar] le mylieu et l entreouvrit de sorte q[u] ung ho[m]me en se
mectans sur ses mains y povoit entrer. S y s ava[n]ca led[it]
Loys de renel et y entra et y trouva ung des [com]paignons
de dedens jay descendu po[ur] deffendre lad[it]e porte Lequel
po[ur] ce f[air]e rua ung coup aprez led[it] Renel lequel il failly
et lors led[it] Renel pour sa seurete de sa p[er]son[n]e rua apres
l autre et le toucha mais il ne scet en quel lieu et lors
l escrya led[it] compaignon disant mons[eigneu]r l escuier p[ar]donnez
moy, mais en ce disant il empoigna led[it] Renel p[ar] le
coullet, q[ue] lors led[it] Renel po[ur] sa seurete co[m]me dess[us] l embracha
et le jetta sur ung bancq le compaignon se releva et de
rechief sal sailly ou col dud[it] Renel et lors led[it] Renel
[f.122 r°] pour s en deffe[ndre] luy donna aincoires ung coup de dage sans
bo[n]nem[en]t aussy savoir en quel lieu. Ce compaignon lors
q[ue]rant s enschaper sailly de la maison et le rencontra
le s[eigneu]r de lisques lequel aiant oy le debat de Renel
et ne savoit co[m]me il luy estoit, donna a ce compaignon
un coup de rapierre. Renel meu de chaleur monta
en hault pour savoir q[ui] estoient les aultres q[ui] leur avoie[n]t
jette de pierres et trouva ung aultre compaignon avec
trois fe[m]mes co[m]munes auquel led[it] Renel se p[ar]forca
donner de sa daghe a quoy il failly au moyen de ce
q[ue] le compaignon se jetta le val de la montee et le
rencontra le s[eigneu]r de licques quy rua apres luy ne scet
s il le toucha et puis le trouva le s[eigneu]r de fallaix, lequel
luy rua deux coupz de taille de sa dage et ung
coup d estocq sans savoir a la verite s il le blescha
ne quel endroit, et ainsy q[ue] led[it]claude de byssy
suppl[iant] pensoit entrer en lad[it]e maison, le p[re]mier
compaignon q[ui] avoit este blesche le hurta
si rudeme[n]t quil se desmarcha deux ou trois pas,
et q[ue] led[it] compaignon mesmes en tumba et ne luy feist
led[it] bissy riens mais entra lad[ite] maison et venant
aux degrez po[ur] suyr les dess[us] no[m]mez trouva le second desd[its]
compaignons q[ui] le requist le laisser passer, ce q[u i]l feist
puis rencontra ce [com]paignon led[it] benedictus le sauvaige
serviteur dud[it] bissy suppl[iant] lequel sembl[abl]em[en]t le laissa
passer et tost apres entendirent le s[eigneu]r remonstr[ant] q[ue]
l ung de ce compaignons bleschiez nom[m]e je[an]nin de mol
filz de l oste du poncelet dud[it] bruxellles t[er]mina
de vie p[ar] mort dont led[it] remonstr[ant] et son s[er]viteur ont
este et sont amerem[en]t desplaisans. Et doubtans rigeur
de justice se sont absentez de n[ot]re d[ite] ville de bruxelles
et pays de brab[ant] ou ilz n ozeroient retourner.
Ains conviendroit aud[it] s[eigneu]r de bissu laisser ses parens
et amis et aussy a son grant regret n[ot]re s[er]vice co[m]me il dist
[f.122 v°] se no[tr]e gr[ac]e ne luy est sur ce imp[ar]tie et au d[it] benedictus son
serviteur, dont attendu ce q[ue] dist est et q[ue] p[ar] infortunne
et non de propoz delibere led[it] meschief est advenu et q[ue]
en autres choses jusques a ores les susd[its] suppl[iants] sont bien re[n]nomez
et n ont ont co[m]mis cas deshonneste. Ils nous ont tres humblem[en]t
supplié et requis. Pour ce est il q[ue] nous ces choses [con]sideres
ausd[its] Claude s[eigneu]r de bissy et benedecitus sauvaige son
serviteur suppl[iant] inclinans a leurd[it]e requeste. Avons
ou cas dessusd[it] quite remis et p[ar]donne, quittons remettons
et [par]do[n]nons de gr[ac]e esp[eci]al p[ar] ces p[resen]tes le cas et homicide
dess[us] declaire ensemble toute peyne amende et offence
corporele c[ri]minele et civile en quoy p[ou]r raison et a
l occasion dicelluy cas ilz pevent avoir offence et estre
encourrus e[n]vers nous et justice et les avons quant
a ce remiez et restituez, remettons et restituons a leurs
bonne fame et renom[m]ee au pays et leurs biens non
confisquez saucuns en ont tout ainsy qu ilz estoient
au p[ar]avant l advenu dud[it] cas. En imposant sur ce
scilence p[er]petuel a n[ot]re procur[eur] g[e]n[er]al en brabant
et a tous noz officiers quelzconques. Satisfaction f[ai]c[t]e
a p[ar]tie interessee p[re]mierem[en]t et avant tout euvre
se faicte n est et elle y chyet civilem[en]t tant seulem[en]t
Sy donnons en mandem[en]t a noz amez et feaulx les chancell[ie]r
et gens de n[ot]re conseil en brab[ant] q[ui] appelle ceulx qui po[ur] ce seront
a appeller ils procedent bien et deuem[en]t a la verification
et interinement de cesd[ites] p[rese]ntes et ce fait ilz et tous autres noz
officiers et justicers quelzconques cui ce regardera ou leurs
lieuten[an]t et cha[c]un deulx en droit soy et si co[m]me a luy app[ar]tiendra
facent seuffrent et laissent lesd[its] suppl[iants] de notre p[rese]nte g[ra]ce
et remission ensemble de tout le contenu en cesd[ites] p[rese]ntes
selon et p[ar] la manie[re] d[i]c[t]e plainem[en]t paisiblement et p[er]petuellem[en]t
joyr et user sans leur f[air]e mectre ou donner ne seuffrir
estre fait mis ou donne ores ne ou tamps advenir aucun
d estourbier ou empeschem[en]t au contr[aire]. Ains se leurs
corps ou aucuns de leurs biens sont ou estoient po[ur] ce
prins saisez arrestez ou empeschez les mectent ou facent
[f.123 r°]Mettre tantsot et sans delay a playne et entiere delivran[ce] Car ainsy nous plaist il. Et affin q[ue] ce soit chose ferme et estable a tousjours, nous avons ces p[rese]ntes fait seeller de n[ot]re seel. Sauf toutesvoies en aultres choses n[ot]re droit et autruy en toutes donne en n[ot]re cite dab d aubsbourch le xxviije jour du mois de juing l an de gr[ac]e mil cincq cens et dix. Et des regnes de nous emper[eur] Assavoir de cellui de germanie le xxve et de hongrie et[c] le xxje . Et ainsy avoit escrypt sur le reploy par l emper[eur] et mons[eigneur] l archiduc en leur conseil. Et signe h de hane et encoires visa et sigillata de expresse mandato d[omi]ni Imperatores Collationne a l original par moy N Strate $$
[f.123 r°]Mettre tantsot et sans delay a playne et entiere delivran[ce] Car ainsy nous plaist il. Et affin q[ue] ce soit chose ferme et estable a tousjours, nous avons ces p[rese]ntes fait seeller de n[ot]re seel. Sauf toutesvoies en aultres choses n[ot]re droit et autruy en toutes donne en n[ot]re cite dab d aubsbourch le xxviije jour du mois de juing l an de gr[ac]e mil cincq cens et dix. Et des regnes de nous emper[eur] Assavoir de cellui de germanie le xxve et de hongrie et[c] le xxje . Et ainsy avoit escrypt sur le reploy par l emper[eur] et mons[eigneur] l archiduc en leur conseil. Et signe h de hane et encoires visa et sigillata de expresse mandato d[omi]ni Imperatores Collationne a l original par moy N Strate $$
N/A
